MNF sorkar kalta in CSS te hamthatna tur duan a peihfel hman: Kan sorkar loh vangin kan hmang hman lo- Er Sawmvela

by News Editor

Tualchhung News

ZORAM TODAY| 15th September, 2025: Vawiina MNF party in Mizo Hnam Run a chhung inkhawm an neih a thusawitu, Er. K. Lalsawmvela, MNF General Secretary chuan, "Mizoram Sawrkar hnuaia CSS hnathawk harsatna tawk mekte tan hian MNF sawrkar liam ta khan theihtawp a chhuah a, an harsatna sutkian nan kum 10 thawktawh chin qualified chinte dah nghehna tur Regularisation scheme pawh a peih hman a, election in a nanchin tak avangin a tawp a thleng hman ta lo," a ti.

K. Lalsawmvela chuan, MNF sorkar kalta scheme duan hmang chuan 'The GOM Regularisation of CSS Employees Scheme, 2024 chu ni 18.6.2025 khan alo chhuak ta a ni. Mahse, ZPM sawrkar chuan thawk mekte zinga thliarbikna tur check list 12 chu ni 21.10.2024 khan a siam hnan ta a, harsatna namenlo an tawh phah ta a ni, a ti.

" CSS hnathawk mek, sawrkar kutke pawimawh tak tak mi 15000 bawr vel te hi kan CM chuan inthlanpui hmaa dah ngheh alo tiam tawh laiin, a CM hnuah Dan lova lak tiin, a puh ta thung a. Chutih lai chuan mi 31 te chu lak an nih dan inang vek siin, ni 15.7.2025 khan an pualin DPC an siamchawp chu an thu a, lak an ni ta a ni," a ti.

"He thil hi tuna nuar mekna lung tiawilo zualtu a ni, Mizoram Sawrkar chu harsatna tawk zawng zawngte puala state dangte tih dan te en a, a tahtawl tala mamawhte phuhruk sak thuai turin ka ngen a ni," a ti bawk.